NAI TUKUTUKU MAI NA COLO KEI NAVOSA KA VAKASUCUMI NA KENA VOLAVIVIGI ENA 1989.
NI VAKAROROGO NA CIRI E WASA
SELEIWAU GATA A TEBE NI GUSUNA
KALOU BULA SA VOSA E MATANA
SA TU ENA LIGA NI KALOU BULA
SA SOLI OTI NA KENA LEWA
IA NA KENAI RAIRAI MEU TUKUNA
QELE MAMACA VOTU E DELA NI WAI
NOQUI VAKASALA ME QAI ROGOCI
TUKUTUKU BULA MEU SERELAKA
VEIMATAQALI SE VANUA YAWA
NODA MESAIA E VUNI NA YACANA
DIGITAKI OTI MAI NA KETEI TINANA
MAROROI ENA LIGA NI KALOU BULA
BULICAKI ME VAKA NA GASAU VUKA
VUNITAKI KOTO E MATAI VURAVURA
ME BASIKA GA ENA NONA GAUNA
SAI IKO DINA NA NOQUI TALATALA
MO VUNAUCA NA VEIMATA TAMATA
SAI IKO GA KAU SA DIGITAKA
MEU DOKAI ENAI TAVI KO QARAVA
VEIVAKADONUI KAI TUVATUVA
SULUMAKI KOTO ENA KAUKAUWA
NODA VITI LOMANI MESA VUNAUCA
ME VAKALESUI NA NODA GAUNA
ME VAKA GA O IRA NA TUBUDA
ME VU NI RARAMA TALEGA
VEIMATANITU ERA NA KIDROA
NISA CABE CAKE NA NONA QAQA
ME VUNI BULA VEI KEDA KECEGA
ISA VITI LOMANI MEDA QAI NANUMA
RUI BECI SARA NAI SULU E SULUMA
VAKASISILATAKI ENA NONA GAUNA
IA NA TUI KECE ERA NA DRUKA
TAMATA TURAGA ERA NA TEKICUVA
NIRA KURABUI WALE ENA VUKUNA
E NONA DIGIDIGI NA KALOU BULA
NAI VAKATAKILAKILA SA TU E DAIDAI
RUVE VULAVULA ME SUKA TALE MAI
DUSIA TU NA SALA MEDA VIRI BAI
NI BERA NI VAVACI NA GAUNA KA LEWAI
VEILOMANI WALE ME NODA PAODI
TAURIVAKI TALE NA VEIROKOROKOVI
I TOVO VULAGI MERA SA BOKOCI
NI BERA NI DURI NA GONE DOMONI
ME SEREKI KEDA MAI LIGAI PAPILONI
NOQUI TALANOA MESA TINI
ENA QAI KASA NA WAQA BILIBILI
SA DUSIA OTI NODA DROTINI
TARAVI RUVE VULA NA VUATA LILI
SAI KOYA OQORI NA BUNO NI KAI VITI
VUNITAKI KOTO KEDRA DUI KISI
VAKASUCU TU ENA QELE NA SILINI